About Us

ଓଡ଼ିଶାର ଅନନ୍ୟ ଜନନେତା ନବକୃଷ୍ଣ ଚୌଧୁରୀଙ୍କ ମୁଖ୍ୟମନ୍ତ୍ରୀତ୍ଵ କାଳରେ ବହୁ ଯୁଗାନ୍ତକାରୀ ଆଇନ କାର୍ଯ୍ୟକାରୀ ହୋଇଥିଲା । ସେହି ଆଇନ ମଧ୍ୟରୁ ଓଡ଼ିଶା ନିଶା ନିବାରଣ ଆଇନକୁ ପରବର୍ତୀ ସମୟର ସରକାର କାର୍ଯ୍ୟକାରୀ କଲେ ନାହିଁ । ସେ ସମୟରେ ଅଫିମ, ଗଞ୍ଜେଇ ଆଦି ନିଶା ଅଧ୍ବକ ପ୍ରଚଳନ ଥିଲା । ବିଦେଶୀ ମଦ ରାଜ୍ୟ ୭ଟି ଜିଲ୍ଲା ହେଡ୍‌ କ୍ୱାର୍ଟର ହିଁ ଥୁଲ, ଆଉ ଖଜୁରୀ ମଦ ଭଳି ଦେଶୀ ମଦର ଦୋକାନ ୧୦୦ଟି ମଧ୍ଯରେ ଥିଲା । ଏହାଛଡ଼ା ୧୦୦ଟି ଗଞ୍ଜେଇ, ଅଫିମ ଦୋକାନ ଥିଲା । ତାଙ୍କ ମନ୍ତ୍ରୀତ୍ଵ କାଳ ପରେ ସରକାର ଦେଶୀ ଓ ବିଶେଷ ଭାବରେ ବିଦେଶୀ ମଦ ଦୋକାନକୁ ଅଧିକରୁ ଅଧିକ ଲାଇସେନ୍ସ ଦେଲେ । ଏବର ସରକାରଙ୍କ ୨୩ବର୍ଷ ଶାସନ କାଳରେ ଅବକାରୀ ଆୟ ୧୦୦ ଗୁଣରୁ ଅଧୁକ ବଢିବାରେ ଲାଗିଛି ।

ଏହି ସରକାରଙ୍କ ଅମଳରେ ନାନା ଉନ୍ନତିମୂଳକ କାମ ହେଉଛି ଓ ମହିଳାମାନଙ୍କ ସଶକ୍ତିକରଣ ଏବଂ ଆଦିବାସୀ ହରିଜନଙ୍କ ଉନ୍ନତି ଦିଗରେ ବିଭିନ୍ନ କାର୍ଯ୍ୟକ୍ରମ ନିଆଯାଉଛି । କିନ୍ତୁ ମଦର ବନ୍ୟାରେ ସେସବୁ କାମର ସୁଫଳ ଧୋଇ ହୋଇଯାଉଛି । ଏହି ବିପଦରୁ ରକ୍ଷା ପାଇବା ଲାଗି ଆମେ ପ୍ରାୟ ୭ ଲକ୍ଷ ଲୋକଙ୍କ ଆବେଦନ ପତ୍ର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଦେଇଛୁ । ତାଙ୍କୁ ନବୀନ ନିବାସରେ ସାକ୍ଷାତ କରି ୧୯୫୭ ମସିହାରୁ ପଡ଼ି ରହିଥିବା ଆଇନକୁ କାର୍ଯ୍ୟକାରୀ କରିବା ଲାଗି ଅନୁରୋଧ କରିଛୁ । ହଁ, ମୁଁ ଦେଖୁବି କହି ସେ ଦିଗରେ କିଛି ତ କଲେ ନାହିଁ, କିନ୍ତୁ ବର୍ଷକୁ ବର୍ଷ ମଦ ଦୋକାନ ବଢାଇ ବଢାଇ ଗଲିଲେ । ଚଳିତବର୍ଷ ଏ ଦିଗରେ ଏକ ରେକର୍ଡ଼ ସୃଷ୍ଟି କରିଛନ୍ତି ।

କିଛି ମାସ ପରେ ସାଧାରଣ ନିର୍ବାଚନ ହେବ । ଏହା ପୂର୍ବରୁ ମଦମୁକ୍ତ ଓଡ଼ିଶା ଅଭିଯାନ ଆହୁରି ଜୋରଦାର ହେବା ଦରକାର । ସରକାର ଏବେ ପ୍ରତିଦିନ ନାନା ଅଞ୍ଚଳ ଓ ନାନା ବର୍ଗର ଲୋକଙ୍କ ଲାଗି ନୂଆ ନୂଆ ଯୋଜନାର ଶୁଭାରମ୍ଭ କରୁଛନ୍ତି । ସେସବୁର ଯେତିକି ଆମର ମଙ୍ଗଳ ହେବ ତହିଁରେ ବହୁ ଗୁଣ କ୍ଷତି ମଦ ଯୋଗୁ ହେଉଛି । ଏତିକି କଥା ଲୋକଙ୍କୁ ଭଲ ଭାବରେ ବୁଝାଇବା ଦରକାର । ନେତାମାନଙ୍କର ଭୋଟରଙ୍କୁ ଡ଼ର । ଦେଶର ସେହି ମାଲିକମାନେ ସେମାନଙ୍କ ସେବକ-ନେତାମାନଙ୍କୁ ମୁହେଁ ମୁହେଁ କହୁଛନ୍ତି, ଅନ୍ୟ ଯାହା ହେଉ ନହେଉ, ରାଜ୍ୟ ମଦମୁକ୍ତ ହେଉ; ନହେଲେ ଭୋଟ ମିଳିବ ନାହିଁ । ଏଥପାଇଁ ବ୍ୟାପକ ଜନ ସଚେତନତା ଦରକାର । ସେହି ଉଦ୍ଦେଶ୍ୟରେ ଆଗାମୀ ନଭେମ୍ବର ୨୩ ତାରଖ ମହାସମାବେଶର ଆୟୋଜନ । ଆପଣ ଏହାକୁ ସଫଳ କରିବା ଲାଗି ସମୟ ଓ ଅର୍ଥ ଦିଅନ୍ତୁ ।